Dán jagi lea biddjon 400 miljovnna liigeruhta divodit fylkkaluottaid.
Johtalusdepartemeantta čállá preassadieđáhusas ahte Stuoradigga lasihii diibmá 400 miljovnna ruhtadoarjjaortnegii fylkkaluotta divodemiide. Dán jagi sáhttet fylkkasuohkanat ohcat daid eaige dárbbat ieža bidjat oasseruhtadeami dasa.
– Dan ládje fuolahit ahte fylkageaidnofierpmádat buoriduvvo, ja šaddet buoret ja dorvvolaš luottat. Dat lea doaibmabidju mii boahtá lassin daidda prošeavttaide ja doaibmabijuide mat leat juo plánejuvvon 2021 ovddas fylkkasuohkaniiguin, dadjá Johtalusministtar Knut Arild Hareide.
Doaibmabijut galget njulgejuvvot fylkkageainnuid obbalaš divodemiide.
