-Almmuhus-
-Almmuhus-
-Almmuhus-
OĐĐASATLiige doarjja sosiál­ortnega bokte

Liige doarjja sosiál­ortnega bokte

-

-

Stuorradiggi lea mearridan lasihit doarjaga gielddaide čuohte miljovnna kruvnnain vai sii geat ožžot veahki sosiálaortnega bokte ožžot liige doarjaga ovdal juovllaid. 

Olu gielddat leat olu jagiid addán liige mávssu sidjiide geat ožžot veahki sosiálaortnega bokte ovdal juovllaid, ja muhtumat juolludit maid liige ruđaid eará vuoiŋŋalaš basiide. 

Liige ruđat dán jagi

Stuorradikki liige juolludeapmi mearkkaša ahte sii geat ožžot veahki sosiálásahusas, ožžot duhát kruvnna eambbo dán mánu ja duhát kruvnna juohke mánnái dállodoalus. Dát lea juoga mii boahtá liiggás eará ortnegiidda. Gielddat ožžot dan liige čuohte miljovnna kruvnna lasihuvvon rámmadoarjaga bokte mas lea sierra juohkinčoavdda.

Bargo- ja searvadahttinministtar Marte Mjøs Persen dáhttu gielddaid máksit dáid olbmuide nu jođánit go vejolaš ja dan vuogi mielde maid juohke gielda mearrida lea álkimus.

-Almmuhus-