Okta olmmoš lea geahppasit roasmmahuvvan go luoddamerkenbiila ribahii vuodjit doaresbeallái.
Diibmu 11:s odne sotnabeaivvi čálle Romssa politiijat Twitteris ahte lea leamaš johtolatlihkohisvuohta Nuovasmuotkkis, váris gos lea Návvuona ja Ráissa suohkanrádji Davvi-Tromssas.
Sii dieđihedje ahte muhtin lossa fievru lea vuodján badjel luotta ja okta olmmoš lea roasmmohuvvan. Ambulánsa, buollinčáskadanbiila ja poliiijat manne báikái.
Luotta mearkume
Operašunjođiheaddji Roy Tore Meyer muitala Nordlys aviisii ahte ledje mearkume luotta go lihkohisvuohta deaividii ja luoddamerkenbiila geavai doaresbeallái.
– Okta olmmoš lea geahppasit roasmmahuvvan dán lihkohisvuođas, dadjá Meyer.
Heahteetáhtat leat veahkeheame lihkohisvuođabáikkis. Politiijaid dieđuid mielde sáhttá vuodjit dakko meaddel, muhto johtolat manná vehá njoazibut.
