-Almmuhus-
OĐĐASATLihkohisvuođat njiedjan beliin

Lihkohisvuođat njiedjan beliin

-

-

Johtolatlihkohisvuođat, main nuorat lápmašuvvet dahje jápmet, leat njiedjan beliin maŋimuš viđa jagis, čájehit ođđa logut.

– Dá dáidá buoremus ođas johtolaga ektui daid maŋimuš jagiid, dadjá johtolatpolitiijaid jođiheaddji Runar Karlsen TV2:žii.

2012 rájes leat 53 proseantta unnit 18- ja 19-jahkásačča duššan dahje roasmmehuvvan garrasit Norgga johtolagas. Lohku lea njiedjan 54 dáhpáhusas 25 dáhpáhussii.

– Eahpitkeahttá eastadit duppal ráŋggáštusčuoggát lihkohisvuođaid. Ođđa ráŋggáštusortnega mielde masset easkaálgi biilavuoddjit koartta jus guktii rihkkot njuolggadusaid, dadjá Karlsen.

Son oaivvilda ahte lassi bearráigeahčut ja áŋggirdeamit sihkkaris johtolahkii maid eastadit johtolatlihkohisvuođaid, čállá NTB. 

-Almmuhus-