Kárášjogas lea leamaš gárra jorribiegga, ja leat garrá fámut jođus go galgá leat njeaidán duhaiid mielde muoraid. Geahča video áššis:
Kárášjogas lea leamaš gárra jorribiegga, ja leat garrá fámut jođus go galgá leat njeaidán duhaiid mielde muoraid. Geahča video áššis:
Gaskavahkku lei garra bajándálki ja biegga olles Sis-Finnmárkkus, ja Kárášjogas, Gorva nammásaš báikkis, sulli moadde miilla Kárášjoga bajás, doppe lei jorribiegga njeaidán beziid.
Čáhppes ártegis balva
Jan Gunnar Furuly lea Aftenposten journalistta, muhto dál lea luomus šaddanbáikkis, Kárášjogas. Son muitala iežas ja luossabivdoolbmát ledje bivdime ja lávostallame veaháš badjelis Gorvva, go bajándálkin oidne balvvaid mat badjánedje hui johtilit.
– Gasku daid balvvaid lei sevdnjes alla oassi mii dego heaŋgái vulobealde ja jorai. Dat jorribiegga ii deaivan juste min ja min lávu bokte, muhto lei garra molsašuddi biegga, ja mii fertiimet beare náđđat go ain bieggaroassu bođii, muitala son.
Ášši joatká gová vuolábealde
Garra fámut jođus
Furuly muitala dálki bistii bealgoalmmát diimmu ja arvvi maid čađat.
– Go mii de nuppi beaivvi vulggiimet ja olliimet biilla radjai, de oinniimet dálki lei njeaidán ja doadján čuđiid mielde stuora beziid. Beazit ledje doddjon gasku ja ii lean eahpádusge ahte ledje garra fámut leamaš jođus, lohká son ja joatká:
– Ii leat buorre diehtit mii livččii dáhpáhuvvan jus diet jorribiegga livčče deaivan min ja min lávu. De dieđusge leimmet ilus go eat lean juste dakko lávostallan, muitala Furuly.
Duháhiid mielde
Eará gálduid mielde, geat leat leamaš báikkis geainna Ávvir lea leamaš oktavuođas, de lea sáhka duháhiid mielde njeaidán muoraid jorribiegga.
Ášši joatká gova vuolábealde
Biekkat heivejedje
*/
*/
Meterologalaš Instituhtas Romssas duođaštit ahte lea leamaš garra dálki Finnmárkku duoddaris, ja biekkat heivejedje nu ahte jorribiegga sáhttá čuožžilit.
Meterologa Gunner Noer lohká sii eai leat registreren jorribiekka, dušše hirbmat garra bajándálki.
– Jorribiegga čuožžila go biekkat bossot vuostálagaid unnit guovllus. Garra bajánbalvva siste sáhttá leahkit áibmu mii loktana jođánit, ja olggobealde balvva ges áibmu mii njiedjá, lohká son ja ain joatká čilget:
– Go dát njieddji áibmu deaivvada áimmuin mii loktana, ja vel lea horisontálalaš biegga, de sáhttá šaddat jorribiegga ja muhtumin ollá dat gitta eatnama radjai, čilge Noer.
Noer muitala dákkár garra jorribiekkat eai leat nu dábálaččat Norggas nu movt ovdamearkka dihte USA:s. Liikká de lea Finnmárkku duoddaris dábáleamos olles riikas. Suomabeale ráji, Báhčaveajis ja Guoládagas Ruoššabealde lea dábáleappo garra jorribiekkat.
