Lei 2-3 lieggaceahki gaskamearálaččat lieggasit čákčamánus Romssas ja Finnmárkkus.
Mánnosaš temperatuvrrat miehtá riikka ledje 1,7 lieggaceahki badjel dan mii lea dábálaš. Dat dahká dán jagáš čakčamánu lieggasamosin 1900 rájis. Lieggasamos lei Romssas ja Finnmárkkus ja Østlánddas, gos lei 2,0 gitta 3,0 lieggaceahki erohus das mii dábálaččat láve.
Mánnosaš arvi miehtá riikka lei 15 proseantta eambo go dábálaččat. Mannan čákčamánnu lei 23. njuoskaseamos čákčamánnu 1900 rájes. Máŋga stašuvnna Davvi-Norggas duođaštedje beali eanet arvvi go dábálaččat, dieđiha Meteorologalaš instituhtta preassadieđáhusa bokte.
