Gaskamearálaš temperatuvra leamaš mannan jagis bealgoalmmát gráda lieggasat go dábálaččat.
Jagi 2020 leamaš dán rádjái gaskamearálaš temperatuvra birrasii bealgoalmmát gráda lieggasat go dábálaččat. Dábálaš temperatuvra lea gaskamearálaš temperatuvra mii lea mihtiduvvon 1961-1990 áigodagas.
– Logut čájehit ahte leamaš oalle liegga jahki, erenoamážit dálvi. Dađi bahábut ii hirpmástuhte ahte vássán jagis olahat lieggadálkeolahusa, lohká Meteorologalaš Instituhta dálkkadatdutki Hans Olav Hygen preassadieđáhusas.
Vaikko ii lean nu liekkas geasset
Mannan háve go lei lieggasamos jahki lei 2014:s. Dalle lei Norgga gaskamearalaš temperatuvra 2,2 gráda lieggasat go dábálaččat. Jagi 2011 lei fas 1,8 gráda lieggasat go dábálaččat. Temperatuvra lea mihtiduvvon riikaviidosaččat 1900-logu rájes.
Hygen čilge ahte vaikko olbmuid mielas ii lean nu liegga jahki go geassi ii lean nu liekkas, de váikkuha mannan jagi bivvalis dálvi dan olahussii. Mannan juovlamánnu, ođđajagemánnu ja guovvamánnu ledje bealviđat gráda bivvalabbot go dábálaččat.
Dát váikkuhii jagi gaskamearálaš temperatuvrra olahussii. Hygen deattuha ahte ii ovttaskas jahki váikkut dálkkádatrievdamiidda, muhto olu liegga jagit maŋŋálagaid.
