-Almmuhus-
OĐĐASAT– Lei riekta ásahit jávkanrájiid

– Lei riekta ásahit jávkanrájiid

-

-

Máhttoministtar oaivvilda dál ahte bohtosat joatkkaskuvllain čájehit ahte lei riekta ásahit jávkanrájiid.

Norgga Máhttoministtar, Terje Røe Isaksen, lohká dál ahte jávkanbohtosat joatkkaskuvllas čájehit ahte lei rivttes mearrádus ásahit jávkanrájiid.

Go dál čájehuvvo ahte oahppit skuvlajagi 2016/17 ledje 3500 diimmu, dahje 375 beaivvi, eambbo skuvllas leamaš go jagi ovdal.

Son lohká dat leat stuora logut, ja mielddisbuktá ahte eambbo oahppit ožžot vejolašvuođa oahppat eambbo.

 

Olu riedja
Røe Isaksen lohká ahte vaikke lei issoras riedja diibmá, ja máŋggas vuosttildedje dan ortnega, de goitge čájehuvvo dál ahte lea doaibman bures.

Diimmá čavčča ásahii Ráđđehus jávkanráji joatkkaskuvllas.

Jus jávkan lea eambbo go 10 proseantta, ja ii sáhte duođaštit ahte lea leamaš buohcci daid diimmuid, de ii oaččo árvosáni dan fágas.

Dál čájehuvvui ahte oahppit leat 40 proseantta unnit jávkan beivviid, ja 33 proseanttain lea fas niedjan diibmojávkan.

 

-Almmuhus-