-Almmuhus-
GUOIMMUHEAPMI– Lei hui somá go bessen searvat gilvui!

– Lei hui somá go bessen searvat gilvui!

-

-

Namma: Risten Inga Eira

Ahki: 27

Guovlu: Loabát

1. Gii lea Norgga stádaministtar?

– Dat gal lea Erna Solberg! Riekta!

 

2. Makkár ealli lea Maine Coon?

– Dat lea bussá. Riekta!

 

3. Gii lávlu «Luossagonagas» lávlaga ?

 –Luossagonagas? Lea go dat sámegiel lávlla? Hmm…diet gal lei veahá váttis. Lea go diet John Arvid juoga? John Arvid Johnskareng. Riekta!

 

Liigegažaldagat:

Risten Inggás lei lihkku ja vástidii buot gažaldagaid riekta.

Skandinávalaš spábbačiekči gii lea earret eará čiekčan Ajax joavkkus, báhčán moala golmma iešguđet Eurohpámeašttirgilvvuin ja váldán njeallje ráidogollii Fránskka joavkkuin PSG. Gii lea son?

– Lea go son dat Ødegård dahje lea go son dat Gamsta. Gamsta dat lea várra. In mun muitte su olles nama, dušše goarggu. Ii go leat Morten Gamst Pedersen. Boastut!

Rievttes vástádus: Zlatan Ibrahimović

– Vuoi, doivon dat lei sáhka sámi spábbačiekči birra.

 

Árvádus:

Risten Inga vállje alit ivnni árváduskategoriijas. Das sáhttá son fidnet 10 čuoggá.

Goas sáhtát čázi guoddit sillis?

– Sillis? Dat čáhci goit golgá dušše čađa. Jus dat lea spánnja siste dat silli. De gal sáhtát guoddit. Boastut!

Rievttes vástádus: Go lea jikŋon

– Muhto dan livčče sáhttit spánnjain maid guoddit!

Čuoggá oktiibuot: 3

– Huff… go bohtet diekkár spábbačiekčangažaldagat! Ii han daid máhte vástidit. Lei hui somá go bessen searvat gilvui! Suohtas go dán guovllu olbmot maid jearahallojit.

Risten Inga Eira hástala su eatni Biret Oskal Eira searvat gilvui.

-Almmuhus-