Lei ovddeš bargiidbellodaga politihkkár Hans Kristian Amundsen (58) gii gávdnui jápmán Porsáŋggus sotnabeaivve eahket.
Amundsen lei vuolgán hárjehallat 12-áigge beaivet, ja go ii lean vel boahtán dii. 18.30, de dieđihii bearaš su láhppon.
Ohcan álggahuvvui ja badjelaš 21.00 eahkes de gávdnui Amundsen jápmán ovtta meahcceluotta guoras. Ledje eaktodáhtolaš ohccit geat gávdne su.
Politijat eai várot láhkarihkkuma eai ge lihkohisvuođa áššis. Muhto sii eai dovdda vel jápminsiva, dieđihit politiijat preassadieđáhusa bokte.
