-Almmuhus-
-Almmuhus-
GUOIMMUHEAPMI Ledjon ferte doaimmaid čoavdit, buhtesnieida ges visot lebbet beavddi ala

Ledjon ferte doaimmaid čoavdit, buhtesnieida ges visot lebbet beavddi ala

-

-

Dán vahku horoskohpa guoska Cuoŋumánu 22.-28. beivviide. 

FIERCA

21/3-19/4

Dál gal duođaid fertet leat gozuid alde.

Earát geat duinna leat viggan gilvalit, sis leat vuorddekeahtes bohtosat.

Don maid johtilit fuobmát ahte olbmot láhttejit áibbas earáláhkai go don ledjet vuordán.

Dat dahká ahte fertet strategiija molsut, ja dasa dárbbašat buot návccaid.

Vuosttažettiin fertet oaidnit dili mo dat duođaid lea.

Das maŋŋá vásihit dan ja barggat dan maid lea bággu.

Geavat jierpmi ja doala čalmmiidat rabasin … olles áiggi.

 

VUOKSÁ

20/4-21/5

Láđasmánu rádjái, mii lea 5. beaivve čuovganeapmái, de eanaš áššit ordnašuvvet, ja dalle gávnnahat maid čovdosiid.

Muhto várut fal maŋŋá viđáda.

Du árvosánit ja luondu geahččaluvvo.

Jus dus leat mihtut ja ambišuvnnat mat čuhcet dasa gos dál leat, de fertet alddát jearrat lea go dus dat persovnnalašvuohta ja návccat deavdit stuorát rollaid.

Don vásihat gáibideaddji dili mii dutnje čuohcá, ja šattat ge alddát roggat dan buoremusa.

Dus lea vejolašvuohta lihkostuvvat bures, jus nagodat daid gáibádusaid.

 

JUMEŽAT

21/5-21/6

Dál lea dus bággu áddet dan duohtavuođa ja geargat áššiiguin.

Dat mii dán vahkus lea deháleamos, dat eai leat dat idealat, morálalaš čeavlaivuohta, dahje buorit intenšuvnnat.

Dat mii lea deháleamos lea maid don praktihkalaččat nagodat bargat.

Nu mo daddjo: sihko gatnjaliid, čárve čárvváid ja álgge.

Don máksojuvvot buvttadeami mielde, sihke doaimmain ja daguiguin.

Dat lea áitosaččat hui álki, muhto Jumežiidda lea hástalus.

 

REABBÁ

22/6-22/7

Dál ii ábut Reabbáide darvánit dan olgguldas máilbmái.

Dat ii leat dat hápmi mii lohkko, muhto sisdoallu.

Luoitte daid boares ráiskkuid, oaiviliid ja ideálaid main ii leat šat doaibma.

Dus leat nu stuorra vejolašvuođat ráhkadit dan boahtteáiggi maid háliidat, muhto dalle it galgga vuosttažettiin smiehttat oadjebasvuođa ja várrugasvuođa birra.

De bija johtui dan duohtavuođa mo don háliidat eallit.

 

LEDJON

23/7-22/8

Dál fertet oažžut praktihkalaš doaimmaid vuos sadjái.

Dovddut leat čadnon dan fysalaš dilálašvuhtii mii guoská sihke ruhtadillái ja bargui.

Dan ahte mo organiseret iežat ja earáid, vai oaččut dan maid háliidat.

Galggat maid leat dáhtolaš čohkkedit stivrejupmái go dárbbašuvvo.

Dán vahkus de bijat vuođu dasa mii ovddosguvlui sáhttá lieđđut.

Daga dan vuđolaččat.

 

BUHTISNIEIDA

23/8-22/9

Lebbe buot beavddi ala.

Speala rabas koarttaiguin.

Suollemasvuođat, čiegusvuođa mihtut ja áigumušat eai doala deaivása dán vahkus.

Dat guoská sihke ráhkesvuhtii ja gávpeoktavuođaide.

Don vuoittát dan ala go čájehat maid don duođaid áiggut, ja mas balat.

Duohtavuohta lea dat áidna mii dál dohkke.

Dat somá mii lea ahte dus lea suohtas go leat produktiiva, hutkái ja mihttomearálaš.

 

VIEHKAT

23/9-22/10

Jus earát galget du oaidnit, de fertet čájehit maid áiggut ja čájehit iežat.

Ii dat ábut čájehit fuomášumi earáide ja gáddit ahte sii oidnet maid don háliidat.

Geahččal ahte eai dárbbaš árvádaddat.

Čájet maid don áiggošit, dahje ain buoret, mana ja váráiduhte.

Ale earáide hoigga válljema, mii dal jo leaš.

Čájet maid háliidat, ja daja oaiviliiddát.

Don sáhtát válljet earáid čuovvut, muhto de fertet gal diehtit dan leat don válljen ieš.

 

SKORPIUVDNA

23/10-21/11

Fuomáš daid olbmuid geaiguin barggat ovttas.

Jus geasa nu liikot, de čájet dan.

Ale bala čájeheames rašesvuođa ja háliidusa.

Dat lea justa nuppeláhkái mo dan ollašuhttit.

Jus beare iežas smiehtat, de gal bisánat.

Jus nagodat udnot earáide dan buoremusa, ráhkistit almmá lotnolasgávppiin, ráhkadit dan iluin, de gal manná bures dán vahkus.

 

BÁHČČI

22/11-21/12

Dál sáhtát loktet njuni ja oaidnigoahtit vejolašvuođaid.

Dat deháleamos lea ahte it vajálduhte áiggi mii lea vássán.

Nu mo Einstein dajai oktii: Dat jallamus maid diehtá lea nuppes bargat dan seamma ja vuordit daid seamma bohtosiid.

Justa dál gártá dat ahte don galggat čuovvut iežat nieguid ja gávdnat ođđa geainnuid.

Ale čalmmehuva ja gátte ahte doaivva jávkada boares gahčahagaid.

 

BÁKTEBOHKKÁ

22/12-19/1

Dán vahkus jorggiha Saturn ja mannagoahtá maŋosguvlui.

Dat gártá ahte it šat joatkke ovddosguvlui, dahje bajás.

Don fertet bisánastit, váldit bottoža ja geahčastit obbalaččat gos leat fitnan.

Go de álggahat iežat plánaid, dalle fertet dárkilit diehtit maid áiggut ja mo dohko joavdat jus galgá doaibmat.

Buot mii lea sahtedohko, dat ii mana guhkit áigge vuollái bures.

 

ČÁHCEOLMMÁI

20/1-18/2

Dál fertet vuorddestit gierdevaččat.

Ii veahket leat gearggus go ii leat makkárge fárru.

Smiehta mat ahte čuoččut togastašuvnnas.

Eallima toga boahtá ja manná.

Lea dehálaš ahte it njuike togii mii lea boasttu sadjái jođus.

Dan seammás lea dehálaš leat gozuid alde, vai šattat dan toga ala gosa leat mannamin.

Biso gozuid alde ja leat gearggus dohppet daid rievttes mearrádusaid, rievttes áiggis.

 

GUOLIT

19/2-20/3

Geavat daid riggodagaid mat leat das, vai oaččut dan man háliidat.

Čuovo dan maid gamus dovddat ja leat doaimmas.

Jus orru geaidnu leamen eahpečielggas, itge leat sihkar maid ja gosa leat mannamin, de čuovvol dan maid gamus dovddat.

Dat lea mii diehtá maid don áiggot.

Buoremus lea johtilit ja dárkilit stivret.

Smiehta don leat gávpogis vuojašeamen gos leat amas, ja gos lea ollu johtolat.

Don fertet čuovvut dárkilit mielde ja leat gozuid alde.

- Advertisement -
-Almmuhus-