Otne iđđedis dieđihii Stáhta geaidnodoaimmahat ahte uđasbáikkis, mii lei gidden luotta Leavvajoga bokte, lea rahppon luodda.
Muohtauđđasis, mii lea Leavvajoga bokte gidden E6 luotta, doppe eai lean biillat šaddan dan vuollai.
Dan dieđihii politiijaid operašuvdnajođiheaddji, Jan Arne Pettersen iđđes. Uđas, mii lea birrasiid 200 mehtera govddu ja beannot mehtera alu, dan ledje mánnodatiđit olles leahtuin rahpame ja luodda maid de rahppui iđitdiimmuid odne.
Guovllus galgá leat ain várra ahte eambbo uđđasat luovvanit várregilggas, dan dieđihii Stáhta geaidnodoaimmahat maid mánnodatiđida.
Stuora uđas
Lei sotnabeaivvi, ovdalaš diibmu gávccis eahkes, go bođii diehtu Finnmárkku heahteguovddážii ahte Leavvajoga bokte lea uđas fierran várregilggas vulos.
Diehtu lei ahte uđas lei unnimusat 200 mehtera govddu, ja doppe sáhttet leat biillat šaddan uđđasa sisa.
Sihke politiijat, ambulánsa ja buollinčáskadeaddjit vuoddjájedje dohko. Johtilit čájehuvvui ahte eai lean biillat uđđasa siste.
