-Almmuhus-
-Almmuhus-
OĐĐASATLeat ožžon báhčin­lobi

Leat ožžon báhčin­lobi

-

-

Lea duođaštuvvon ahte guovža lea goddán golbma sávzza, ja dál leat Deanus ožžon lobi jávkadit guovžža.

Deanu gieldda birasráđđeaddi Erlend Eide duođašta Ságat aviisii ahte lea addon bivdolohpi báhčit guovžža man Stáhta Luonddubearráigeahčču lea duođaštan lea goddán golbma sávzza Mášjoga guovllus, Deanus. Golbma eará ráppi leat maid gávdnon, muhto ii leat vel duođaštuvvon lea go guovža daid maid goddán.

Vihtta ráppi gávdnojedje mannan lávvordaga ja ovtta ráppi gávdne mánnodateahkeda. Báhčinlohpi addojuvvui disdaga. 

Sierra bivdojoavku

Báhčinlobi ja guovžžabivddu doaimmaha Deanu gieldda vahátbáhčinjoavku. Birasráđđeaddis Eides lea ovddasvástádus dan bivdojovkui ja muitala joavkku leamaš bivddus disdaga maŋŋelgaskabeaivvi rájes. 

– Joavku lea ijaid leamaš olgun ohcame guovžža, muhto eai leat vel gávdnan dan, dadjá birasráđđeaddi Eide Ávvirii duorastaga. 

Guovža lea oidnon fuođđokámeras mii lea gaskal doppe gos ráppit gávdnojedje ja dálu Mášjogas gosa sávzzat gullet. 

-Almmuhus-