Statsbygg lea dál mearridan geat galget hukset Beaivváš Sámi Našunálateáhtera ja Sámi joatkkaskuvlla ja Boazodoalloskuvlla Guovdageainnus. Arkiteakta Joar Nango lea dan joavkkus geat arkiteaktagilvvuid vuite.
Lea entreprenevra fitnodat Econor ovttasráđiid Snøhetta Oslo AS ja 70°N arkitektur fitnodadain geat vuite gilvvu. Dán joavkkus lea maid sámi arkiteakta Joar Nango.
Beaivváš Sámi Našunálateáhter ja Sámi joatkkaskuvla ja Boazodoalloskuvla Guovdageainnus galget seamma robi vuollái. Lea Máhttodepartemeanta ja kulturdepartemeanta mat leat dáhtton Statsbygg ráhkadit ovdaprošeavtta dán vissui. Boahtte lávki lea ráđđehusa duohken juolludit ruđaid 2022 stádabušeahtas.
Ávvir čuovvula ihttin ášši, tevnnegiiguin ja jearahallamiin.
