-Almmuhus-
OĐĐASATLeat almmuhan duššan buokči nama 

Leat almmuhan duššan buokči nama 

-

-

Finnmárkku politiijaguovlu dieđiha ahte lei čáhcesullolaš Patrick Paulsen gii duššai buokčama oktavuođas Gállojogas Čáhcesullo gielddas mannan lávvardaga, ođđajagemánu 16. beaivvi.

Finnmárkku politiijaguovllu gulahallanneavvu Silja Arvola muitala ođđasamos dieđuid buokčanlihkohisvuođas Čáhcesullos.

– Jápmán olmmoš gávdnui mannan sotnabeaivvi, ođđajagemánu 17. beaivvi, ovdalgaskabeaivvi. Su rumaš vižžojuvvui bajás sotnabeaivvi eahkeda tiibmu 21.13 ROV čázevuolrobohta vehkiin, muitala Finnmárkku politiijaguovllu gulahallanneavvu Silja Arvola preassadieđáhusas.

Arvola lohká ahte lea menddo árrat lohkat mii lei sivva lihkohisvuhtii. Jápmán olbmo rumaš galgá iskojuvvot rumašiskkadeamis ja su geavahuvvon buokčanrusttegat sáddejuvvojit teknihkalaš iskkadeapmái. 

– Ovdal go dát leat iskojuvvon, de lea menddo árrat lohkat mii lea sivva dán surgadis dáhpáhussii, lohká politiijaadvokáhta Jacob Bergh.

Arvola muitala bearaš lea addán lobi mediai geavahit dán gova go čállet dán birra. 

-Almmuhus-