27-jahkásaš Sandra Márjá West lea virgáduvvon Riddu Riđu ođđa jođiheaddjin. Son joatká maiddái politihkkárin.
27-jahkásaš Sandra Márjá West lea virgáduvvon Riddu Riđu ođđa jođiheaddjin. Son joatká maiddái politihkkárin.
Riddu Riđđu lea virgádan gáivuotnalačča Sandra Márjá West ođđa jođiheaddjin.
Son álgá ođđa virgái čakčamánu 1. beaivvi.
– Dat leamaš mu niehkobargu máŋga jagi jo, ja danin lei dieđusge hui somá oažžut dán barggu. Riddu Riđđu lea máilmmi somámus festivála. Dat leamaš oassin mu bajásšaddamis ja lean oasalastán festiválas mánnávuođa rájes, dadjá West.
Joatká politihkas
Sandra Márjá West lea Norgga Sápmelaččaid Riikkasearvvi politihkkár ja ovddasta bellodaga nuppi áigodaga Sámedikkis.
Son dadjá ahte joatká sámediggeáirrasin, muhto ahte lea čielggadeamen man láhkai lea čorgadeamos kombineret rollaid.
Čuovvu ovddeš jođiheaddji
Riddu Riđu festiválajođiheaddji bargu lea jahkemearrevirgi.
Go Karoline Trollvik lágida iežas maŋimuš festivála boahtte geasi, de čuovvu Sandra Márjá West su.
