-Almmuhus-
-Almmuhus-
LIŊKA BIOS– Lean illudan studeanta­beaivái golbma jagi

– Lean illudan studeanta­beaivái golbma jagi

-

-

Tintin Poggats Sarri (18) válddii dán jagi «studenten» joatkkaskuvllas Gironis. Dan beaivái son lea illudan guhká.

– Lean illudan dan beaivái golbma jagi dan rájes go álgen joatkkaskuvlii. muitala Tintin Poggats Sarri (18) gii válddii «studeantta» Gironis, Hjalmar Lundbohmsskuvllas geassemánu 10. beaivvi. 

Tintin Poggats Sarri lea eret Nihkkáluovttas olggobealde Girona, son lea studeren divššárfága joatkkaskuvllas. Su mielas lea leamas lossat studeret neahta bakte korona-áiggis.

Loga maid:
«Studeantta» ávvudoalut Gironis

– Mus leat leamaš hui olu skuvlabarggut dan golmma jagis. Lei maiddái losit okto lohkat korona-áigodagas, inge leat deaivvadan iežan luohkáin nu dávjá.  Danin lean vuordán dán studeantabeaivvi guhká, muitala Sarri. 

DIKŠUNOAHPAHUSAS: Tintin Poggats Sarri ja su luohkká. Son lea gazzan dikšunoahpahusa Govva: Elin Marakatt
DIKŠUNOAHPAHUSAS: Tintin Poggats Sarri ja su luohkká. Son lea gazzan dikšunoahpahusa Govva: Elin Marakatt

«Studeantta» doalut

«Studenten» doalut leat Ruoŧas nu go Norggas leat russadoalut. Miehtá Ruoŧa ávvudit joatkkaskuvlla oahppit studeantta maŋŋel golmma jagi joatkkaskuvllas. 

– Lei hui earenoamáš friddjadovdu váldit «studeantta». Dan ii mana čilget jus ii lea dahkan dan, muitala Tintin. Ja nu somá ávvudit ovttas mu skuvlaluohkáin, muitala son vel. 

GEAHČA VIDEO: 

(Ášši joatká video vuolábealde) 


Earenomáš beaivi

Tintin muitala ahte studeantadoalut biste olles beaivvi.

– Iđđesárrat mun čiŋadiin gávttiin ovdal go  čoahkkanii luohkkái ja návddašeimmet champange iđitborramuššan. Maŋŋel go leimmet girkus skuvlaloahpaheami ovdal, de beasaimet viehkalit olggos skuvllas, muitala Sarri. 

ÁVVUDOALUT: «Studeantta» doalut Gironis. Olggobealde skuvlla ledje veagat, váhnemat ja sogat vurddiime ja váldime vuostá sin studeanttaid.
ÁVVUDOALUT: «Studeantta» doalut Gironis. Olggobealde skuvlla ledje veagat, váhnemat ja sogat vurddiime ja váldime vuostá sin studeanttaid.

Guorbmebiillain miehtá

Olggobealde skuvlla ledje veagat, váhnemat ja sogat vuordime ja váldime vuostá iežaset studeanttaid. Maŋŋel de besse vel studenttat vuojašit guorbmebiillain gávpogis. Dávjá leat doalut vel eahkes gos ávvudit. 

– Lei hui, hui somás beaivi. Illá jáhkken ahte lei duohta go rahpe uvssaid ja beasaimet viehkat olggos skuvllas vilgesgahpiriiguin. Somámus lei vuojašit guorbmebiillain miehtá Girona gávpoga. Lei hui earenoamáš oaidnit buot olbmoid geat ledje boahtán min geahččat. 


GUORBMEBIILLAIN: Go váldá studeantta, de beassá vuodjit guorbmebiillain birra Girona gávpoga. Govva: Elin Marakatt
GUORBMEBIILLAIN: Go váldá studeantta, de beassá vuodjit guorbmebiillain birra Girona gávpoga. Govva: Elin Marakatt

 

«Studeantta» gákti

Tintina Girona ođđa gávtti leaba su oabbá Ellen ja su eadni gorron studeantadoaluide. 

– Lei earenoamaš čiŋadit gávttiin sihke studeantadoaluin ja baladoaluin. Mun vázzen balavahku ovttas iežan vilbeliin, Larsa Blindain. Ledjen hui balus go vázzen dohko ja visot olbmot gehčče ja govvedje, moddjá son. 

STUDEANTABALA: Vahku ovdal studeantadoaluid lei studeantabala Girona ođđa gávpogis. Tintin lei čiŋadan ođđa gávttiin ja váccii iežas vilbeliin Larsa Blindain. Govva: Elin Marakatt
STUDEANTABALA: Vahku ovdal studeantadoaluid lei studeantabala Girona ođđa gávpogis. Tintin lei čiŋadan ođđa gávttiin ja váccii iežas vilbeliin Larsa Blindain. Govva: Elin Marakatt

Maŋŋel «studeantta»

Tintin Poggats Sarri nevttii guovtti jagi áigi váldorolla Amanda Kernell filmmas «Charter». Maŋŋel studeantta son áigu joatkit neaktimiin ja bargat filmmain maid boahteáiggis. Maŋŋel go lea návddašan geasselobi.

– Mus lea muhtinlágan filbmaprošeakta mainna áiggun čakčat bargat. Muhto in sáhte dan birra vel muitalit. De galggan vel bargat divššárin ja háliidan joatkit buohccedivššaroahpuin, muitala Tintin Poggats Sarri. 

Loga maid:
–  Lei hásta­lus ja álggos biehtta­lin go jáhkken ahte in birge

-Almmuhus-