– Lean gullan duhát geardde!

1. Sámiid dološ oskkus ledje nisson­ipmiliin iešguđetlágan doaimmat. Mii lei Sáráhkká doaibma?

– Lei go son gii váruhii dola? Son várjalii goit máná. RIEKTA!

2. Man guhkki sáhttá okta albbas šaddat?

– 1,5-2 mehtera. BOASTUT!

Rievttes vástádus: 1,2 mehtera.

3. Gii lávlu «Dušši dušše duššat»?

– In sáhte árvidit ge! BOASTUT!

Rievttes vástádus: Ailu Valle.

Silje Ann oaččui ovtta čuoggá álgovuorus, muhto son beassá vel čoaggit čuoggáid árvádusas.

Árvádusain sáhttá oažžut 5, 10 dahje 15 čuoggá. 

Rukses árvádusas oažžu 15 čuoggá, alit árvádusain oažžu 10 čuoggá ja ruoná árvádusain ges 5 čuoggá, ja ivnnit leat áŧestuscehkiid mielde ráhkaduvvon.

Silje Ann vállje álkimusa, ruoná árvádusa.

Mas lea čalbmi, muhto ii oainne?

– Mus lea nieiddaš gii láve árvádusaid álo jearahallat. Lean gullan dien duhát geardde, muhto dál ii jora oaivi. BOASTUT!

Rievttes vástádus: Áimmis/Nálus

– Nu leige! Haha, dieđusge. 

Galle čuoggá oktiibuot: 1

Juohke gilvaleaddji beassá hástalit ođđa gilvaleaddji Ávvira geassegilvui.

– Dál leat gal buohkat luomus ja in hálit vuorjat geange, muhto hástalan Sara Margrethe Oskal.