-Almmuhus-
-Almmuhus-
MAGASIIDNA – Leago ovttasge eatnehis miessi dása?

– Leago ovttasge eatnehis miessi dása?

-

-

Nils Henrik Saras guttii ikte áldu vieso lusa, muhto miessi jámii. – Jus ovttasge lea eatnehis miessi de oččošii dan buktit deike.

– Dát áldu lea nu lodji ahte dat gal válddášii varra vaikke makkár miesi, muitala Nils Henrik Sara, guhte lea ovddeš NBR jođiheaddji.

 

Facebooka bokte lávejit olbmot fáluhit ja ohcalit feara maid, muhto dákkár gálvu gal lea hárvenaš.

Sara muitala alddis leamaš álddu vieso luhtte Heammogiettis, mii guttii ikte.

– Odne iđđes dattege jámii miessi. Mun de jurddašin ahte jus muhtin sajis lea soames geas ges lea eatnehis miessi de sáhtašeimme dán guoktá náitit oktii. De ii dárbbaš miesi njámahit bohttaliin, čilge Sara.

Ášši joatká gova vuolábealde.


VUORDDAŠA TELEFUVNNA ČUODJAT: Nils Henrik Saras lea telefuvdna sadjogasas dál, jus de muhtin fállá miesi buktit su lusa.
Vuorkágovva: Inga Marie Guttorm

 

Dál dattege šaddagoahtá hoahpu jus dát galggaš lihkostuvvat.

– Galggašii gal lagamus jándoris buktit miesi deike. Jus muhtimis lea miessi veahá guhkkelis, de sáhtán bohččit njiŋŋelasa vai ii sadjanit. Muhto galggašii jođánit buktot deike vai in dárbbaš riepmat bohččit, dadjá Sara.

 

Son ii loga gal diehtit manne miessi jámii.

– Dálki balddihii mu ikte nu ahte sirden álddu gáržžit latnjii, muhto in dieđe manne jámii dat miessi. Áiggun odne njuovvat dan beasan geahččat gávnnan go vigi. Skibain hal várra lea jápmán, muitala Sara.

Nils Henrik Sara dáhttu olbmuid ringet 997 57 032 nummarii, jus ovttasge livččii miessi man sáhtašedje buktit.

 

 

-Almmuhus-