Ráđđehus lea ásahan 350 miljovnna kruvdnosaš doarjaga. Doarjja lea jurddašuvvon stuorát lágidemiide maid lágideaddjit fertejedje geahpedit dahje heaittihit diibmá njukčamánu rájes.
– Lea dehálaš midjiide ahte mávssolaš arenat nu go meassut dahje borramušfestiválat maid gávdnojit maŋŋá pandemiija. Dát doaluid bokte lassánit doaimmat ja árvohahkan miehtá riikka, lohká ealáhusministtar Iselin Nybø preassadieđáhusas.
Doarjjaortnega lea jurddašuvvon stuorát doaluide gosa lágideaddjit vurde 2020:s uhcimusat 350 olbmo boahtit ja mas lea guovllu dahje nationála árvu. Doalut galget buohkaid várás. Dat sáhttet ovdamearkka dihtii leat meassut, borramušfestiválat, oahpahusfestiválat, biilafestiválat, kongreassat, tivoli ja nu ain, earret kultur- ja valáštallansuorggi doalut. Ruđaid sáhttá ohcagoahtit ođđajagemánu 15. beaivvi rájes.
– Dáinna ortnegiin ožžot borramuš- ja eanadoallomeassut vejolašvuođa oažžut oasi dan tietnasa maid sii manahedje diibmá. Dát gusto maid festiválaide mat fertejedje geahpedit sturrodaga doaluin, lohká eanadoallo- ja borramušministtar Olaug Bollestad.
Oažžu 60 proseantta duohta vuolláibáhcagis go šattai cealkit eret doaluid. Doarjja mákso koronadoarjjan ja 20 proseantta doarjagis lea eaktun ahte dollo sullasaš lágideapmi boahtte áiggis, maŋimuš 2022:s. Lea Innovašuvdna Norge mii hálddaša dán doarjjaortnega ja ohcanáigemearri lea 01.02.2021. Eambbo diehtu ja ohcanskovvi Innovašuvdna Norgii. Jus čájehuvvo ahte lea dárbu lea stuorát go dat 350 miljovnna kruvnna doarjja, de árvvoštallá Ealáhus- ja guolástusdepartemeanta dan ođđasit.
