-Almmuhus-
-Almmuhus-
OĐĐASAT– Lea stuora bargu maid válddán badjelasat iluin ja vuollegašvuođain

– Lea stuora bargu maid válddán badjelasat iluin ja vuollegašvuođain

Journalista

-

-

Runar Myrnes Balto giitá luohttámuša ovddas ja lohká áigut návccaid bidjat vai eanetlogustivra šaddá muohtaspábban mii fierrá dássedit rievttes guvlui.

Balto barggai mannan sámediggeáigodaga politihkalaš ráđđeaddin Keskitalo-ráđis, ja dán áigodagas lea son sámediggeáirras. Dán jagi jođihii son NSR válgabargguid, ja lea maid leamaš ovdalaččas Márkomeanu festiválajođiheaddjin. Balto jođiha Norgga Sámiid Riikkasearvvi sámediggejoavkku, ja jođiheamis leat Sandra Márjá West, Tor Gunnar Nystad ja Pier Heaika Muotka mielde.

– Munnje lea dehálaš nannet sámi searvevuođa mii lei mis válgalohpádussan, ja lea stuora bargu maid válddán badjelasat iluin ja vuollegašvuođain, dadjá Balto preassadieđáhusas.

 

NSR jođihanjoavkku nubbinjođiheaddji lea Sandra Márjá West ja miellahttu lea Tor Gunnar Nystad. Piera Heaika Muotka lea várreláhttu.

-Almmuhus-