Bargiidbellodaga ovddeš nubbijođiheaddji ja Deanu dálá sátnejođiheaddji Helga Pedersen lea mielas šaddat Bargiidbellodaga bellodatčállin.
– Jus Bargiidbellodaga válgalávdegoddi háliida mu bellodatčállin, de mun gal searvvašin, dadjá Pedersen NRK Troms og Finnmarkii.
Riikkačoahkkimis mii lea miessemánus válljejuvvo Bargiidbellodaga ođđa bellodatjođihangoddi, ja máŋga iešguđet veršuvnna dahje evttohusa leat árvvoštallamis.
Pedersen muitala NRK Troms og Finnmarkii ahte son diibmá jo oaččui jearaldaga ahte lea go sus beroštupmi dán bargui. Dalle ii lean mielas váldit barggu.
– Dan rájes lea oaivil rievdan vuos dasa ahte árvvoštalašin, ja dál dasa ahte searvvan jus jerron.
Pedersen muitala ahte váddáseamos oassi bellodatčállibarggus lea ahte son ferte guođđit Deanu sátnejođiheaddjebarggu.
– Lean issoras buorre iežan gildii ja Deanu ássiide, dadjá son.
