Logi čiežanuppelohkái njoammumis čadnojit musihkkabiŋgodoaluide Hársttáin.
Ođđajagemánu 4. beaivvi rájes leat leamaš unnimusat 17 njoammuma Hársttáin. Logi dáin njoammumiin čadnojit musihkkabiŋgodoaluide, mat ledje muhtin olgobáikkis basiid gaskkas. Dan dieđihii suohkan preassakonferánssas gaskavahku, čállá Harstad Tidende.
Ledje gaskal 80 ja 90 olbmo geat ledje juogo guossin dahje barggus dain doaluin, Verftet olgobáikkis juovlamánu 29. beaivvi. Buohkat leat erremis, dieđiha suohkana váldodoavttir Jonas Holte preassakonferánssas.
– Lea jáhkehahtti ahte dávda dál leavvagoahtá, dadjá Holte.
