-Almmuhus-
OĐĐASAT– Lea buorre muittuhit ahte loatna galgá fas máksot

– Lea buorre muittuhit ahte loatna galgá fas máksot

-

-

Loatnakássa hálddašeaddji direktevra ávžžuha olbmuid leat dihtomielalažžan iežaset ekonomiija ja oahpahusloana ektui.

Ii goassege ovdal leat erohus leamaš nu unni reanttus mii rievddada ja Loatnakássa golmma fástareanttu gaskkas.

Fástareantu lea skábmamánu 1. beaivvi rájes 2,482 proseantta mii lea golmma jahkái, viđa jagi reantu lea 2,579 proseantta ja 2,570 proseantta logi jahkái. Reantu mii rievddada lea 2,472 proseantta.

– Lea 11 jagi áigi go ásaheimmet dan njeallje reanttu, ja dál lea buot unnimus erohus dán njealji reanttu gaskkas, čilge Loatnakássa hálddašeaddji direktevra Nina Schanke Funnemark preassadieđáhusas.

Sihke fástareantu ja reantu mii rievddada mearriduvvo guđa geardde jagis. Kundarat geat eai hálit fásta reanttu, ožžot automáhtalaččat reanttu mii rievddada.

– Lea dieđusge stuora illun fállat oahpahusloana mas lea vuollegis reantu. Lea maid buorre muittuhit ahte loatna  galgá fas máksot – ja mii beroštit ahte kundarat leat dihtomielalaččat dáláš ja boahttevaš ekonomalaš dilis, lohká Funnemark.

-Almmuhus-