50 proseantta finnmárkulaččain oaivvildit ahte juhket menddo olu mánáid ovddas.
Juovlamánnu lea dat mánnu goas gávppašuvvo eanemus alkohola.
– Lea buorre mearka go olbmot reagerejit dasa go ollesolbmuid juovlasuohtastallan šaddá váttisvuohtan mánáide, dadjá Randi Hagen Eriksrud preassadieđáhusas Av-og-til organisašuvnnas.
Váivi gullat mánáid muitalusaid
Ođđa iskkadeamis, man Ipsos lea čađahan Av-og-til organisašuvdnii, čájehit logut ahte 51 proseantta Romssa ássiin oaivvildit ahte juhket menddo olu ovdabealde mánáid. Riikka gaskamearálaš lohku lea 46 proseanta.
– Juovlabasit lea áigi goas galgá naffát ja návddašit. Lea menddo dávjá go mii gullat váivves muitalusaid mánáin go juovllat billašuvve eatni dahje áhči alkoholageavaheami dihte. Dat váivvida, ja dan fertet mii váldit duođalaččat, dadjá Eriksrud.
