Álggos leat golbma gažaldaga, jus daid máhtát, de manat viidáseappot gilvvus.
Álggos leat golbma gažaldaga, jus daid máhtát, de manat viidáseappot gilvvus.
Namma: Aksel Johannes Hætta
Ahki: 19
Guovlu: Guovdageaidnu
Bargu: Studeanta
1. Marit Susanne Utsi lávlu lávlaga man namma lea “oabbá”. Movt joatká lávllateaksta: «Háliidedjen addit dutnje skeaŋkkaža…»?
– Hearrásivdnit.. Oappážan, in mun
dieđe. Lean gal gullán dien ovdal,
muhto in muitte. BOASTUT!
Rievttes vástádus: «…maid it sáhte láhppit, it guođđit, vajáldahttit»
2. Goas rahppui Norgga Sámediggevistti?
A) 2000
Á) 2001
B) 2002
– 2002. BOASTUT!
Rievttes vástádus: 2000
3. Makkár ivnnit leat olympiarieggáin?
– Vuoi hearrásivdnit daid gažaldagaid.
Na fiskat, alit, ruoksat ja vielgat. BOASTUT!
Rievttes vástádus: Alit, fiskes, čáhppes, ruoná ja rukses
Go Hætta ii vástidan riekta buot golbma vuosttaš gažaldaga, de son ii mannan viidáset gilvvus. Son dattetge beassá geahččalit vástidit árvalusa mainna sáhttá fasket 5, 10 dahje 15 čuoggá. Dát lea dan duohken guđe ivnni vállje. Rukses árvalus lea váddáseamos, ja jus dan vástidan riekta de oažžu 15 čuoggá, alit árvalusas faske 10 čuoggá ja ruonás ges 5 čuoggá.
Hætta vállje rukses ivnni, ja mii jearrat sus dán árvalusa:
Nu guhká dušše dus lea dat, de dat lea. Jus juogadat ovttain ge, de dat ii šat leat. Mii lea dat?
– Na mii son dat sáhttá leat.. Mun gal lean nu jalla, ii dien gal sáhte diehtit.
Vástidan čiegusvuohta. RIEKTA!
– Lea ávki go beassá veahá jurddašit. Ii lean goit nulla čuoggá. Manai bures iežan mielas go ožžon čuoggáid, boagusta Hætta.
Galle čuoggá oktiibuot: 15 čuoggá
Juohke gilvaleaddji beassá hástalit ođđa gilvaleaddji Ávvira geassegilvui, ja Hætta háliida hástalit moarsis Sara Risten Susanna Gaupa searvat Ávvira geassegilvui.
Njunnošis Ávvira geassegilvvus dál: Ánne Márjá Guttorm Graven 21 čuoggáin.
