Norgga stuorámus neahttaapotehka fága- ja kvalitehtahoavda, Lisa Grinaker, ávžžuha olbmuid muitit dehálaš njálbmesuodjerávvagiid go covid-19 virus lea muhttašuvvan ja leavvagoahtán garrasit.
Farmasiet neahttaapotehka fága- ja kvalitehtahoavdda, Lisa Grinakera, mielas eai leat olbmot geat leat geavahan njálbmesujiid guhkit áiggi, nu dárkilat čuovvut rávvagiid nu mo álggos ledje. Son giktá olbmuid dárkkistit iežaset njálbmesuodjegeavaheami:
-Basa gieđaid giehtaspriittain ovdalgo bijat/válddát eret njálbmesuoji, jus it sáhte bassat gieđaid.
-Ale guoskka njálbmesuodjái go bijat dan ala.
-Govčča njuni, njálmmi ja gáibbi. Njunni ii galgga oidnot.
-Ale čana čuolmmaid njálbmesuoji vanahanbáddái.
-Ale divtte njálbmesuoji heaŋgát bealjis, gallus dahje gieđas.
-Ovttageardde njálbmesujiid galgá bálkestit maŋŋá geavaheami.
-Njálbmesuojit liinnis ráhkaduvvon, galget bassot 60 grádas lieggačáziin.
Ii dušše njálbmesuodji
– Lea dehálaš ahte njálbmesuodji ii atte oadjebasvuođa okto. Muitte geavahit njálbmesuoji oktan eará njoammunleavvama eastadeami rávvagiiguin, nu go giehta- ja gossančorgesvuođain, bissut ruovttus jus dovdá vuoiŋŋahatbohcci dávdamearkkaid ja doalahit unnimus ovtta mehtera gaskka, deattuha Farmasiet neahttaapotehka fága- ja kvalitehtahoavda, Lisa Grinaker preassadieđáhusas.