Dán lávvardaga vuorbáda Kárášjoga Johttisámiid Searvi vuoiti iežaset erenomáš gilvvus. De čielgá ahte gii oažžu sámi dovddus koahkka Jon Mikkel Eira iežas kievkkanii ovtta eahkedii.
Dán lávvardaga vuorbáda Kárášjoga Johttisámiid Searvi vuoiti iežaset erenomáš gilvvus. De čielgá ahte gii oažžu sámi dovddus koahkka Jon Mikkel Eira iežas kievkkanii ovtta eahkedii.
Ávvir čálii čakčamánus Kárášjoga Johttisámiid Searvvi birra, mii áiggui čađahit erenomáš gilvvu, mas ođđa miellahtut sáhttet vuoitit sámi dovddus koahka ovtta eahkedii.
Vuorbádit
Lávvardaga vuorbáda searvi vuoiti Bivdu nammasaš olgobáikkis diibmu 20:00.
– Mis lea vuos beaivit miellahttočoahkkin ja eahkedis vuorbádit gilvvu vuoiti Bivddus, gos mis maiddái lea Quiz-gilvu maŋŋel vuorbádeami, ja juoiganeahket, muitala searvvi jođiheaddji Leif Ánde Somby.
Geahččalit movttiidahttit
Searvvi jođiheaddji Leif Ánde Somby muitala sin háliidit dainna vugiin geasuhit ođđa miellahtuid, ja dasa háliidii sámi dovddus koahka Jon Mikkel Eira veahkehit.
Gilvu bisttii čakčamánu lohppii, mas namalassii sáhtii vuoitit iežas gievkkanis su kohkket ovtta eahkedii. Jurdda maiddái lei ealáskahttit ja movttiidahttit olles searvvi.
Ožžon inspirašuvnna
Jon Mikkel Eira lohká iežas inspirašuvnna ožžon earet eará Mátta-Norggas dahkkon TV-ráidduin, gos sáhttá vuoitit beakkán koahka ruoktot málestit.
Sáhka ii goittot leat dušše ahte Eira galgá dušše kohkket vuoiti gievkkanis, muhto son maiddái ráhkkana guossohit gussiide. Muhto lea goittot vuoiti gii galgá borramušaid gávppašit.
Dasa lassin sáhttá vuoiti ieš válljet, ahte háliida go ieš kohkket ja Eira bagadallat su, vai háliida go ieš servvoštallat gussiiguin dassá go mális lea gárvvis.
