Fellesforbundet lea dieđihan vejolaš bargoheaitaga measta 800 hoteallabargái lávvardaga rájes. Áigemearri šaddat ovttaoaivilvuhtii soabadeamis lea bearjadaga gaskaija.
Dán vahkku lea soabadeapmi Riikašiehtadusas, mas Fellesforbundet lihtus leat badjel 7500 miellahtu hoteallain, restoráŋŋain, kantiinnain ja catering-fitnodagain. Áigemearri soabadeamis lea biddjon bearjadaga gaskaidjii, mii sáhttá mearkkašit ahte lávvardatiđida rájes lea streaika, dieđiha Fellesforbundet.
Fellesforbundet dieđihii vuossárgga vejolaš bargoheaitaga 774 bargái 36 hoteallas Kristiansandas, Stavangeris, Bergenis ja Romssas.
Guovddáš ášši šiehtadallamis lea viiddis geavaheapmi sadjásaččain ja liigevehkiin suorggis.
– Mii leat válljen dahkat gáržžiduvvon bargoheaitaga, dan dihte go lea váttis dilli suorggis. Jus eat gávnna čovdosa ja čuožžila soahpatmeahttunvuohta, de fertet dieđusge stuoridit bargoheaitaga, dadjá Fellesforbundet šiehtadallanjođiheaddji Clas Delp.
©NTB
