Namma: Risten Elle Siri
Ahki: badjelaš 40
Guovlu: Guovdageaidnu
Bargu: Veahkeha sin geat eai bargga maidege
Namma: Risten Elle Siri
Ahki: badjelaš 40
Guovlu: Guovdageaidnu
Bargu: Veahkeha sin geat eai bargga maidege
1. Mii lea noađđeheargi?
– Na heavdni. Boastut!
Rievttes vástádus: Noađđeheargi guoddá geasset nođiid bievlan.
– Oja albma heargi bat leige, boagusta Siri.
2. Goas vuođđuduvvui Norgga Sámediggi?
– Nie váttis gažaldagaid jearrat mus, in mun goit dieđe. Mun dajan 1991. Boastut!
Rievttes vástádus: 1989
3. Masa geavahedje násttiid dolin?
– Somás gažaldagat. Ođđabeairuohta goit gehččet šaddet go ollu luopmánat. Boastut!
Rievttes vástádus: Kompássan ja diibmun.
– Mun goit láven násttiin geahččat šaddet go luopmánat.
Go Siri ii vástidan riekta buot golbma gažaldaga, de son ii mannan viidáset gilvvus. Son dattetge beassá geahččalit vástidit árvalusa mainna sáhttá fasket 5, 10 dahje 15 čuoggá. Dat lea dan duohken guđe ivnni vállje. Rukses árvalus lea váddáseamos, ja jus das vástida riekta de oažžu 15 čuoggá, alit árvalusas faske 10 čuoggá ja ruonás 5 čuoggá.
Siri vállje ruoná ivnni ja mii jearrat sus dán árvalusa:
Guđe njealji gonagasas ii leat gonagasriika?
– Na njealji gonagasas. In mun goit dieđe, boagusta Siri njálgát. Boastut!
Rievttes vástádus: Speallastohka gonagasain
Galle čuoggá oktiibuot:0 čuoggá
Juohke gilvaleaddji beassá hástalit ođđa gilvaleaddji Ávvira geassegilvui. Maia Hætta lea hástán Risten Elle Siri, ja son fas hástala Gunn Pulk searvat gilvui.
