-Almmuhus-
-Almmuhus-
OĐĐASAT Lassi ruhta Gjerd­rumii ja vujohat­láirra kárte­mii

Lassi ruhta Gjerd­rumii ja vujohat­láirra kárte­mii

-

-

Ráđđehus lea otne evttohan juolludit NVE:i eambbo ruđaid Gjerdrum láirauđđasa olis ja vujohatláirra kártemii Norggas.

Ráđđehus evttohii ođđajagemánu 29. beaivi juolludit 102 miljovnna kruvnna dárbbašlaš sihkkarastindoaimmaide maŋŋá Gjerdrum dáhpáhusaid. Ráđđehus evttoha maid juolludit NVE:i oktiibuot 13 miljovnna kruvnna nannen dihtii direktoráhta vujohatláirrá kártema Norggas.

– Mis lea hirbmat stuorra bargu vuordimin min, ovttasráđiid Gjerdrum gielddain. Dáinna juolludemiin sáhttá Norgga čázádat- ja energiijadirektoráhta (NVE) leat mielde sihkkarastimin guovllu nu ahte sáhttá guovllu fas atnui váldit, lohká čázádat- ja energiijadirektevra Kjetil Lund preassadieđáhusas. 

NVE váldovuoruheapmi dál lea veahkehit politiija ohcanbarggus ja gárvet vuođđoiskkademiid ja árvvoštallamiid eváhkkui biddjon guovlluid. Seammás plánejuvvo maid sihkkarastit dán guovllu bistevaččat. Dát bargu bistá jáhkkimis moadde jagi. 

-Almmuhus-