38 proseantta dállodoaluin ássá dušše okta olmmoš, muhto Sámi suohkaniin gal leat gaskamearálaččat eanet go guokte ássi juohke dállodoalus.
38 proseantta dállodoaluin ássá dušše okta olmmoš, muhto Sámi suohkaniin gal leat gaskamearálaččat eanet go guokte ássi juohke dállodoalus.
Dállodoalut lassánit Norggas go olmmošlohku lassána.
Logi maŋimuš jagis leat maiddái olbmot geat orrot oktonas lassánan.
Norggas leat oktiibuot 2 376 971 dállodoalu, ja 38 proseanttas ássá dušše okta olmmoš, čájehit Statistihkalaš guovddášdoaimmahaga logut.
Sámit eai oro oktonas
Go geahčada tabeallaid, de čájehuvvo ahte oaivegávpogis fárrejit eanet olbmot oktii. Čilgehus sáhttá leat go Oslos lea divrras orrut.
Logut čájehit maiddái ahte Sámi suohkaniin leat gaskamearálaččat eanet go guokte ássi juohke dállodoalus.
Gaskamearálaččat ásset Unjárggas 2,10 olbmo juohke dállodoalus, Deanus 2,08 olbmo, Kárášjogas 2,33 olbmo, Porsáŋggus 2,08 olbmo, Guovdageainnus 2,59 olbmo, Gáivuonas 2,19 olbmo, Loabágis 2,36 olbmo, Divttasvuonas 2,15 olbmo, Raarvihkes 2,23 olbmo ja Snoasas 2,28 olbmo.
Guovdageainnus ásset gaskamearálaččat eanemus olbmot juohke viesus ja Deanus ja Porsáŋggus ges unnimus.
