Davvi dearvvašvuohta lea Dánmárkkus láigohan ovtta jet-girdi koronadávdda leavvama geažil, Davvi-Norggas.
– Go Hámmárfeasttas eai šat sáhte váldit vuostá buhcciid, de lassánit buohccit geat galggaše Girkonjárgii, gos lea unnit buohcceviessu, ja Romsii, gosa lea mihá guhkit johtit, dadjá Finnmárkku doavttersearvvi jođiheaddji Paul Olav Røsbø NRK:i.
Son dadjá ahte ferte vuoruhit sin geat leat buohccit ja juogadit resurssaid buoremus lági mielde, muhto dilli šaddá maid váddáseabbon jus lea sáhka buohccis geas lea koronadávda.
Buohccit, geat dábálaččat galget báikkálaš buohccevissui Hámmárfestii, fertejit dál fievrreduvvot eará buohcceviesuide, ja ahte Hámmárfeastta njoammundilli čuohcá olles Romsii ja Finnmárkui.
Gaskavahku muitalii Hámmárfeastta sátnejođiheaddji Marianne Sivertsen Næss ahte Hámmárfeasttas leat oktiibuot 25 olbmo buohccit koronadávddain, dasa lassin leat vel 170 olbmo erremis.
(©NTB)
