Ung.no:s ain lassánit nuoraid gažaldagat. Diibmá vástidii Ung.no masá 105 000 gažaldaga maid nuorat gaskal 13- ja 20-jagi ledje sádden. Dat lea badjel 25 proseantta lassáneapmi 2020:s.
– Ung.no lea dehálaš Norgga nuoraide, dan oaidnit lassáneamis. Das ožžot dálá nuorat vástádusaid gažaldagaide maid eai soaitte duostat jearrat earáin. Vástádusaid ožžot gealbudahtti fágaolbmuin, dadjá Mari Trommald, direktevra Bufdir:s.
Lassáneapmi lea geavvan máŋggaid jagiid. 2017 rájes leat vástiduvvon gažaldagat lassánan 110 proseanttain. Neahttasiidu ung.no:s ledje 2021:s 21,5 miljovnna guossi. Bálvalusas leat dál 270 fágaolbmo miehtá riikka, geat vástidit nuoraid gažaldagaid.
