Measta okta goalmmádasoassi sis geain duođaštuvvui koronadávda mannan vahkus, ožžo dávdda olgoriikkas. Dan čájehit Álbmotdearvvašvuođa instituhta logut maŋemuš raporttas koronapandemiija birra Norggas
Vihttanuppelohkái vihttalogiguovtti ođđa duođaštuvvon koronadáhpáhusain gaskkal suoidnemánu 13. ja 19. beivviid, njoammuduvvo olgoriikkas. Lea dušše okta mii boahtá nu gohčoduvvon «ruoná» riikkain.
– Maŋŋel go sisamátkkoštan errenmearrádusat rievdaduvvo suoidnemánu 15. beaivvi, lea daid lohku geat leat olgoriikkas ožžon dávdda, lassánan. Dán čuovvut dárkilit mielde áiggis mii boahtá, čállá Álbmotdearvvašvuođa instituhtta raporttas.