-Almmuhus-
SMÁVVAOĐĐASATLasihit sosiálaveahkke­doarjaga juovllaid

Lasihit sosiálaveahkke­doarjaga juovllaid

Journalista

-

-

Ráđđehus ja Sosialisttlaš gurotbellodat leat soahpan addit 1000 ruvnnu eanet sidjiide geat ožžot sosiálaveahkkedoarjaga. Dasa lassin ožžot vel 1000 ruvnnu juohke máná nammii. 

– Mii oaivvildit ahte dá lea dehálaš doarjja dán jovkui masa dálá áigge liigegolut čuhcet erenomáš garrasit. Dát doarjja boahtá buorrin juovla- ja ođđajagiávvudeapmái, lohká Bargiidbellodaga Frode Jacobsen NTB ođasdoaimmahahkii. 

Olu olbmot gillájit alla el-rávdnjehattiid geažil ja eambbosat dárbbašit veahki sis geat juhket nuvttá borramušaid. Dát olu historjját leat čuohcan politihkkáriidda, duođašta Guovddášbellodaga Kjerstin Wøyen Funderud.

– Leamaš olu sáhka sin birra geain ii leat nu buorre ráđđi ja geaiguin ii leat doarvái ruhta juovllaide. Dát liigedoarjja dieđusge ii čoavdde buot hástalusaid, muhto dat nanne olbmuid ekonomiija oanehis boddui, lohká son.  

100 miljovnna ruvnnu 

Go ráđđehus divvu boahtte jagi stáhtabušeahta, de leat bellodagat gávnnahan ahte lea várri veahkehit sin geat dárbbašit eanemusat veahki.

Bargiidbellodat, Guovddášbellodat ja Sosialisttalaš Gurutbellodat juolludit oktiibuot 100 miljovnna ruvnnu dása. Dáid ruđaid juhket 50 000 olbmui geat ožžot sosiálaveahkkedoarjaga, dasa lassin juolluduvvo ruhta 30 000 máná nammii. 

Ii leat vel dihtosis ožžot go olbmot dáid ruđaid ovdal juovllaid. Gielddat ja NAV dat galget fuolahit máksima. 

(©NTB)

-Almmuhus-