-Almmuhus-
OĐĐASATLasihit bivdo­bearráigeahču luossa­jogain

Lasihit bivdo­bearráigeahču luossa­jogain

Journalista

-

-

FeFo lasiha bivdobearráigeahču luossajogain,  ja leat dahkan šiehtadusaid báikkálaš servviiguin bearráigeahččama birra.

Finnmárkkuopmodat (FeFo) lea bivdobearráigeahččošiehtadusa vuolláičállán Mátta-Várjjat bivdo- ja guolástanservviin, Várggáid guolástus- ja bivdoservviin, Bearalvági bivdo- ja guolástanservviin ja Gilivuona bivdo- ja guolástanservviin.

– Mis leat jo lihttoláigošiehtadusat servviiguin eará čázádagain, ja sii dovdet bures bearráigeahččanbargguid. Dát lea vuosttažettiin 2024 geahččalanprošeakta. Mis leat vuordámušat ovttasbargui, čállá FeFo. 

Bearráigeahčču lea FeFo eatnamiin anadroma čázádagain mat eai leat lihttoláigohuvvon, muhto leat rahppon bivdimii.

Šiehtadus guoská FeFo-eatnamiid čuovvovaš čázádagain:  

Braselva/Guolleveaijohka

Haukelva/Fállejohka

Austerelva/Ovsttarjohka

Molvikvassdraget/Stuorrajohka

Blåfjellvassdraget

Gáldu: FeFo

-Almmuhus-