Jus áigu oažžut barggu Guovdageainnu suohkanis, de ferte leat sámegielmáhttu, dahje dáhttu oahppat sámegiela.
Jus áigu oažžut barggu Guovdageainnu suohkanis, de ferte leat sámegielmáhttu, dahje dáhttu oahppat sámegiela.
Guovdageainnu suohkanstivrras meannudedje odne sámegielamáhtu gáibádusaid virgádeames olbmuid suohkana bargui, ja mearridedje lasihit ovtta vel gáibádusa.
Viđat gáibádus
Suohkanis leat leamaš 1985 rájes njeallje giellagáibádusa, ja dál lei ovdagoddi evttohan viđát gáibádusa. Dat njeallje gáibádusa leat: Go ohcciid oahppu lea dássálaga dahje sullii ovtta dásis, de válljejit ohcciid geat máhttet sihke sámegiela ja dárogiela. Sámegiella adnojuvvo dehálaš lassigelbbolašvuohtan. Ohcciid sámegielmáhttu lea mearrideaddjin go minddar lea dohkálaš gelbbolašvuohta. Sámegielmáhttu lea eaktun virggis, ja máhtus gáibiduvvo čuovvovaš duođaštus.
Čađahit giellaoahpu jus ii hálddaš
Nannet sámegiela geavaheami suohkanbarggus ja dáhkidit ahte vierrogielat bargiin lea dáhttu oahppat sámegiela, de evttohuvvui viđat gáibádus ja suohkanstivra mearridii váldit dan mielde logiin jienain ovcci jiena vuostá. Viđat čuokkis lea: Ohccis ferte sámegielmáhttu, mii vástida virggi vuordámušaide, dahje leat mielas čađahit sámegielooahpahusa virgebidjama maŋŋel.
