Disdaga, galgá Láppi leanas ja Finnmárkku fylkkas dahkkot ovttasbargošiehtadus.
Disdaga, galgá Láppi leanas ja Finnmárkku fylkkas dahkkot ovttasbargošiehtadus.
Disdaga, čakčamánu 26. beaivvi diibmu 17.30, galgá šiehtadus vuolláičállot sierra seremoniijas fylkkagirjerádjosis Čáhcesullos.
Šiehtadus bistá njealji jagi ja fáttát mas gusket šiehtadussii leat; guovllu ovdánahttin, johtolat, kommunikašuvdna, oahpahus, dutkan, innovašuvdna, kultuvra ja boahtteáiggi ovttasbargu.
Davvikalohtta 50 jagi
Beaivvi maŋŋel lea stuorebuš ávvukonferánsa Čáhcesullos, ja lea Davvikalohta ovttasbargu 50 jagi badjel.
Jahki 2017 šaddá historjjálažžan, go ávvuduvvo Davvikalohttaráđi 50 jagi doaibma, mii lea Finnmárkku fylkka, Romssa fylkka, Nordlándda fylkka, Norrbotten leana ja Láppi leana ovttasbargu.
– Golbma riikka deaivvadit kultuvrralaš máŋggabealátvuođain, erenoamáš čáppa luondduin, guovllus mas lea stuora ovdánahttinvejolašvuohta, čállá Finnmárkku fylkkagielda preassadieđáhusas.
Davvi-Norga, Láppi ja Norrbotten
Čakčamánu 26. ja 27. beaivvi čoagganit Davvi-Norgga, Láppi ja Norrbotten guovlluid jođiheaddjit ávvudit ja geahčadit movt ovttasbarggu sáhttá nannet.
Guovllut leat ovttaoaivilis nannet johtolaga, ealáhusa, oahpahusa, dutkama, birrasa ja guovllupolitihka.
