Lei 23-jahkásaš Andreas Thørring Eilertsen gii gávdnui duššan Ivgubađas mánnodaga.
Juovlamánu 16. beaivvi rájes lei Andreas leamaš jávkosis. Su bearaš lei politiijaide dieđihan su láhppon, ja leat ohcan su mediaid bokte sihke su ja su biilla govain.
Lei Nordlys aviisa mii vuosttažin čálii ahte dievdu lea gávdnon. Son gávdnui iežas biilla lahkosis.
– Mii oaččuimet cavgileami ahte láhppon biila lei gávdnon Ivgubađas mánnodaga beaivet, lohká operašuvdnajođiheaddji Stine Svendsen Ávvirii.
– Ii čájehuvvo ahte lea mihkkege vearredahku sivvan su jápmimii, ja politiijaid bealis eat dutkka ášši, lohká Svendsen.
