Dievdu 30-jagiin lea leamaš jávkkus mannan ija rájes ovtta jávregáttes Suolovuomi duottarstobu láhkka Guovdageainnu ja Álttá gaskkal. Politiijat dieđihit ahte eai oza šat olbmo gii lea heakkas.
Dievdu 30-jagiin lea leamaš jávkkus mannan ija rájes ovtta jávregáttes Suolovuomi duottarstobu láhkka Guovdageainnu ja Álttá gaskkal. Politiijat dieđihit ahte eai oza šat olbmo gii lea heakkas.
Oarje-Finnmárkku politiijat ožžo dieđu lahppon olbmo birra kvártta váile guovttis mannan ija.
– Vihtan guhte lea leamaš jávregáttis, lea fuobmán gopmánan fatnasa. Stevvelat ja dievddu beana mii lei čatnon murrii, maid gávdnoje jávregáttis, lohká Lars Jørgen Kleven Oarje-Finnmárkku politiijaguovllus.
Dievdu gean ohcet lea Ukrainalaš stáhtaborgár.
– Sihke buollinčáskadeaddjit, ambulánsa ja politiijat leat ohcame, seammás go Seaking-helikopter maid lea girdán, muhto dál lea loahpahuvvon, lohka Kleven.
Politiijat leat dál báikkis iskkame ášši. Earenomažit gos fanas ja stevvelat leat gávdnon.
– Fertet gávdnat eambbo dieđuid jávrri birra ovdal álgit ohcat eambbo čázii vuolde, muitala Anders Bjørk Olsen Oarje-Finnmárkku politiijaguovllus.
Ákšuvdna lea rievdan, eai oza šat olbmo gádjundihte, muhto jáhkehahtti olbmo gii ii leat heakkas.
Bjørke Olsen dieđiha ahte ohcan lea álgán čážii vuolde maid. Álget vuos ohcat báikkin gaskal fatnasa ja stevveliid.
– Doaivva gávdnat dievddu heakkas ii leat nu stuoris, nu ahte oapmahaččat leat dieđihuvvon, muitala son.
