– Dán áiggi go vašši duoldá neahtas ja ođđanazisttat vázzet gávpotgáhtain, de fertet jearrat man olu galgat gierdat
Dan jearrá Norgga Našuvnnalaš Olmmošvuoigatvuohtaásahus (NIM, ja bidjat dán gažaldaga digaštallamii semináras maid lágidit vaššicealkámušaid birra Guovdageainnu dán mánu 22. beaivvi.
– Vašši duoldá neahtas
– Dán áiggi go vašši duoldá neahtas, ja mannan geasi go vásiheimmet ahte ođđanazisttat searválaga vázzet gávpotgáhtain, de fertet mii jearrat: Manne mii galgat bealuštit sátnefriddjavuođa? Man olu galgat dohkkehit, sáhttá go vaikko maid cealkit? Mot mii galgat vuhtiiváldit sihke sátnefriddjavuođa ja seammás suodjalit sin geat gullet unnitlohkui? Goas sáhttá dadjat ahte muhtin lea «vaššicealkámuša» buktán? Makkár unnitlogujoavkkuin lea erenoamáš suodjalus dákkár cealkámušaid ektui?
Anine Kierulf, gii lea NIM fágadirektevra doallá sáhkavuoru semináras ja NIM bovde du searvat gažaldagaiguin ja digaštallamii. NIM Iđitseminára vaššicealkámušaid birra lea rabas buohkaide ja lágiduvvo Diehtosiiddas Guovdageainnus.
