-Almmuhus-
-Almmuhus-
OĐĐASAT Lágidit neahtta­kurssa váhne­miidda ADHD/ADD birra

Lágidit neahtta­kurssa váhne­miidda ADHD/ADD birra

-

-

Sámi našunála gealboguovddáš – psyhkalaš dikšu (SÁNÁG) lágida oahppan- ja hálddašankurssa váhnemiidda geain leat mánát main lea ADHD/ADD. 

Kurssas beassá deaivvadit SÁNAG, NAV ja SEAD fágaolbmuiguin. Sii logaldallet iešguđetlágan fáttáin, ja muhtin geavaheaddji ovddasteaddji beassá muitala iežas vásáhusaid birra. Kurssas oahppa maid jus juogada iežas vásáhusaid eará váhnemiiguin.

SÁNAG ávžžuha váhnemiid oasálastit aktiivvalaččat jearahettiin jearaldagaid ja juogadettiin vásáhusaidat, ja dainna lágiin sáhttá oažžut eanemus ávkki dán fálaldagas. 

Miessemánu 28. beaivvi lea kursa sámegillii, ja dulkojuvvo sihke dárogillii ja máttasámegillii. Kursa manná Skype bokte. 

ADHD oahppofálaldat váhnemiidda. Miessemánu 28. beaivvi sámegillii. Kursa dulkojuvvo dárogillii ja máttasámegillii

Mihttu dainna kurssain lea ahte oapmahaččat ožžot oahpu, máhtu ja šaddet diđolažžan das makkár resurssat sis alddiineaset leat, go galget buriid mearrádusaid dahkat máná dearvvašvuođa hárrái, dahkat rievdadusaid dilis ja nagodit guhkilmas hástalusaid dustet dearvvašvuođa dáfus.

- Advertisement -
-Almmuhus-