Davvi-Norgga Feastariemuid direktevra Ragnheiður Skúladóttir lea almmuhan Davvi-Norgga Feastariemuid prográmma.
Olu ođđa dáiddárat ovttasráđiid ovddeš beakkálmasaiguin guoimmuhit dán geasi. Oktiibuot leat badjel 200 doalu. Festivála lea Hársttáid gávpogis ja bistá badjel gávcci beaivvi. Feastariemuid direktevra lea hirbmat rámis ja ilus dán jagáš prográmmain.
– Lean earenoamáš duhtavaš go nagodeimmet čohkket ná olusiid dákkár eahpesihkkaris áigodagas. Leamaš olu ruvššit maid fertiimet garvit, muhto dál beassat mii ávvudit iežamet davviguovllu kultuvrra. Jáhkán mii dárbbašat dan go leamaš jagi pandemiija. Lean duođaid čeavlái go nagodeimmet dakkár erenoamáš prográmma ráhkadit dán jahkái, lohká Davvi-Norgga Feastariemuid direktevra Ragnheiður Skúladóttir preassadieđáhusas.
