-Almmuhus-
-Almmuhus-
-Almmuhus-
OĐĐASATLágidit digitála riikačoahkkima ja earenoamáš riikačoahkkima ođđajagemánus

Lágidit digitála riikačoahkkima ja earenoamáš riikačoahkkima ođđajagemánus

-

-

NSR lea mearridan rievdadit iežaset riikačoahkkinlágideami.

NSR riikastivra dieđiha preassadieđáhusas ahte leat mearridan rievdadit NSR 2020 riikačoahkkinlágideami. Dat mielddisbuktá ahte ii šatta riikačoahkkin Tråantes golggotmánu 2.–4. beaivvi. Dan sadjái šaddá digitála riikačoahkkin golggotmánu 2.–4. beaivvi gos njuolggadusaid mielde mearriduvvon áššit meannuduvvojit.

Erenoamáš riikkačoahkkin

Dan lassin plánejuvvo erenoamáš riikačoahkkin ođđajagemánu 2021 gos presideantaevttohas, válgaprográmma ja eará áššit loktejuvvojit meannudeapmái.

– Vai šaddá buoremus vejolaš áššemeannudeapmi organisašuvnnas, de mii juohkit riikačoahkkima guovtti oassái. Dábálaš riikačoahkkimis golggotmánus mii meannudit daid áššiid maid njuolggadusaid mielde galgat meannudit, nu mo bušeahta, rehketdoalu ja doaibmaplánaid. Dalle báhcá buoret áigi meannudit stuorát áššiid earenoamáš riikkačoahkkimis, šattaš dal fysalaš vai digitála čoahkkin, dadjá NSR-jođiheaddji Runar Myrnes Balto.

Njoammundilli rievddada

Jus njoammundilli lea dan muttos ahte lea vejolaš čoahkkanit, de dáhttut fysalaš čoahkkima doallat, muhto organisašuvdna ferte maid leat gearggus ahte dan ge čoahkkima soaitá fertet digitálalaččat čađahit.

– Go njoammun orru fas leavvamin servodagas, de ii leat riikastivrii dorvvolaš čađahit fysalaš riikačoahkkima dán čavčča. Digitála riikačoahkkin ii leat gal optimála, muhto lea buoret go hástalit dili dákkár seađas njoammundilis, dadjá NSR-jođiheaddji.

-Almmuhus-