Ruoŧa Sámiid Riikkasearvi ovttasbargá Sámi dearvvašvuođafierpmádagain ja lágidit dearvvašvuođačoahkkima boazovázziide
Beaivásaš čoahkkin lágiduvvo njealji báikkis Ruoŧa beale Sámis čakčat. Fáddá lea dorvvolašvuohta ja dearvvašvuohta boazodoalus.
– Lea dutnje gii barggat Ruoŧa váraleamos virggis, boazodoalus, čállet Sámi dearvvašvuođafierpmádat ja Ruoŧa Sámiid Riikkasearvi preassadieđáhusas.
Prográmmas leat praktihkalaš čovdosat mot sáhttá unnidit hušša, ja mot teknihkka sáhtta veahkehit boazovázziid iežaset árgabeaivvis. Čoahkkimis logaldallet maiddái fágaolbmot iešguđet dearvvašvuođafáttás. Čoahkkin lea nuvttá ja buohkat sáhttet dieđihit. Vuosttas čoahkkin lágiduvvo Staares čakčamánu 27. beaivvi, čállet Sámi dearvvašvuođafierpmádat ja Ruoŧa Sámiid Riikkasearvi preassadieđáhusas.
