Dál álget Guovdageainnus maid lágidit deaivvademiid njuoratmánáide.
Guovdageainnu dearvvašvuođastašuvdna bovde ovttas Guovdageainnu álbmotgirjerádjosiin fásta njuoratmánnádeaivvadeapmái girjerádjosii kulturviesus vuosttaš gaskavahku mánus diibmu 10:00 – 12:00. Dan dieđihit suohkana neahttasiiddus.
Vuosttaš deaivvadeapmi lea ođđajagemánu 4. beaivvi 2023.
Suohkan dieđiha ahte fálaldat lea buot smávvamánáide geat eai leat mánáidgárddis.
– Dát lea vuosttašceahkkefálaldat mánnábearrašiidda gos fokus lea sosiála beallái. Váldde ieš mielde omd. stohkosiid, gáfe ja nu ain. Ii ábut boahtit deaivvadeapmái jus mánná lea buozas, dieđiha suohkan vel.