Magnhild Reisænen (90) ja su bearáš leat lagabut 100 jagi lubmen Tønnevannsjeakkis Várjjagis. Dál lea Magnhild leamašan dikkis ja gáibidan lubmenrievtti ja rievtti cegget bartta luomejeakki lahka.
Magnhild Reisænen (90) ja su bearáš leat lagabut 100 jagi lubmen Tønnevannsjeakkis Várjjagis. Dál lea Magnhild leamašan dikkis ja gáibidan lubmenrievtti ja rievtti cegget bartta luomejeakki lahka.
Guovlu mii lea guovddážis áššis lea 27 km davábealde Ánnejoga, čállá NRK Finnmark. Diggi lea bistán golbma beaivvi ja loahpahuvvui ikte. Magnhild Ræisanen advokáhtta čuoččuhii ahte son galgá oažžut dohkkehuvvot opmodatrievtti bartasadjái, dahje unnimusat oažžut rievtti láigohit eatnama seamma dásis go eará asttuáigebarttat. Gáibádusas čuožžu maid ahte Ræisanenas galgá leat riekti vuodjit meahccái go áigu lubmet, čállá NRK Finnmark.
– Telten ii buvtte rievtti
Ášši lea leamaš Finnmárkkukommišuvnnas, geat dorjo Ræisanen gáibádusa, muhto Finnmárkkuopmodat lea mannan vuostá gáibádusa, ja dan dihte šattai Ræisanen mannat áššiin Meahcceduopmostullui.
FeFo oaivvilda ahte guhkit áiggi telten ovtta báikkis ii buvtte rivttiid cegget barta báikái.
FeFo advokáhtta Håvard Aagesen deattuha ahte meahci ii galgga privatiseret. Dat sáhttá gáržžidit boazodoalu ja eará meahcásteami.
Meahcceduopmostuolu jođiheaddji Nils Asbjørn Engstad muitala ahte duopmu celko ovdal skábmamánu.
