Politiijat leat álggahan ráŋggáštusášši go lagabui 100 bohcco leat jámadan Herøyas, Helgelánddas ovddit vahkus.
Mannan vahku bođii diehtu ahte lagabui 100 bohcco leat jápmán Helgelánddas, Herøyas. Norgga biebmobearráigeahčču navdá ahte bohccot sáhttet leat ožžon mirkku ja leat dál váidán ášši politiijaide.
Politiija Stine Marie Brox Gundersen, guhte dutká áššiid mat gusket elliidčálgorihkolašvuhtii, dadjá ahte áigot iskat ášši.
– Dál galgá dutkan čielggadit lea go elliidčálgoláhka rihkkojuvvon vai lea go eará birasrihkolašvuohta mii lea sivvan dasa ahte bohccot leat buohccán, dadjá politiija Stine Marie Brox Gundersen. Boazoeaiggát ii háliit kommenteret ášši, nu čállá NRK Nordland. Politiijat bivdet olbmuid cavgilit jus dihtet maidige dán áššis.
