Viviann Labba álgá dál ođashoavdan Ruoŧa sámerádioi.
Labba lea bargan máŋgalot jagi almmuheaddjin sihke rádios ja TV:s. Dál lávke son ođashoavdan sámerádioi Ruoŧa bealde. Nu dieđiha Ruoŧa rádio Sámerádio sin neahttasiiddus.
Labba álggii bargat journalisttan sámerádios, muhto dál álgá hoavddavirgái maŋŋá go ovddeš Ruoŧa rádio sámerádio ođashoavda Thomas Sarri álggii doaimmahushoavdan.
– Illudan bargagoahtit mu fiinna bargoolbmáiguin Sámerádios, ja ovddidit min doaimmahusa ja journalisttalaš buvttadeami, kommentere son SR Sámeradio neahttasiiddus.
